Charter Document - 05450199
| Charter Number: | 05450199 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1314 |
| Date type: | Internal, Feast, Regnal |
| Resource Link(s): |
|
Charter:
Universis pateat per presentes quod nos Matilda de Upton permissione divina abbatissa de Godestowe et eiusdem loci conventus dedimus concessimus et presenti scripto nostro confirmavimus Thome le Taylour de Fencote et Alicie uxori eius unam domum que vocatur vaccaria cum uno crofto que vocatur Calvene Crofte cum hays et fossatis undique existentibus cum omnibus suis pertinentiis vel pertinere debentibus habendam et tenendam dictam domum cum dicto crofto hays et fossatis et omnibus aliis pertinentiis muris cotagiis et libertatibus omnibus diebus vite predictorum Thome et Alicie de nobis et successoribus nostris libere quiete bene et in pace et pacifice reddendo inde annuatim nobis et successoribus nostris iiii s argenti ad duos terminos anni videlicet ad festum sancti Michaelis ii s et ad festum sancte Marie in Marcio ii s pro omni servitio seculari et demanda salvo forinceco servitio Pro hac autem donatione concessione et presentis scripti confirmatione dederunt nobis predicti Thomas et Alicia unam marcam argenti ita quod post decessum dicti Thome et Alicie dicta tenementa ad nos et ad successores nostros plenarie revertatantur Et si contingat predictum Thomas et Alicia in solutione dicti redditus in parte vel in toto dictis diebus deficere tunc bene decebit nos et successores et procuratores nostros super dictis terris et tenementis distringere districtiones que retinere donec nobis de arreragiis fuerit plene satisfactis Et nos predicta Matilda et eiusdem loci conventus omnia predicta tenementa ut predictum est predictis Thome et Alicie ad totam vitam eorundem in forma predicta et pro predicto servitio contra omnes gentes warantizabimus et defendemus In cuius rei testimonium sigillum dictorum Thome et Alicie una cum sigillo nostro communi presenti scripto bipartito est appensum Hiis testibus Ricardo de la Bere milite domino Waltero le Poure milite Willelmo le Pouere de Cherlton Nicholao de Asfch Johanne atte Wode de Fencote et aliis Data apud Godestowe in festo sancti Petri ad vincula anno regni regis Edwardi filii regis Edwardi octavo