Charter Document - 05450194
| Charter Number: | 05450194 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1212 - 1225 |
| Date type: | Assigned |
| Resource Link(s): |
|
Charter:
Sciant presentes quod ego Osbertus Turpyn de Bleberi dedi et concessi et hac presenti carta mea confirmavi deo et beate Marie et beato Johanni baptiste de Godestowe et monialibus ibidem deo servientibus pro salute anime mee et Johanne uxoris mee et pro animabus omnium antecessorum et successorum meorum totam terram meam quam habui in Fencote que vocatur La Hyde Turpyn de feudo abbatie de Abbendon cum omnibus pertinentiis suis in bosco et prato in pascuis et pasturis in viis et semitis et cum omnibus consuetudinibus et libertatibus ad predictam terram pertinentibus et cum omnibus villanis de ipsa predicta terra tenentibus et eorum sequelis habendam et tenendam eisdem monialibus de me et de heredibus meis in liberam et puram et perpetuam elemosinam reddendo inde annuatim ii s abbatie de Abbendon ad festum sancti Michaelis pro omni servitio seculari et exactione Ego autem predictus Osbertus Turpyn et heredes mei totam predictam terram cum omnibus pertinentiis suis predictis monialibus contra omnes gentes warantizabimus et acquietabimus Et ut hec mea donatio et concessio et carte mee confirmatio stabilis permaneat et illesa presenti scripto sigillum meum apposui Hiis testibus domino Rogero abbate de Dorkecestre domino Radulpho Hareng domino Genteschin le Poure domino Roberto de Wihtham domino Ricardo filio Mace de Brackele domino Walerando capellano de Godestowe domino Roberto Basset domino Henrico senescallo de Godestowe Laurentio serviente de Godestowe et multis aliis