Charter Document - 05450193
| Charter Number: | 05450193 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1212 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Osbertus Turpyn de Blebiri dedi et concessi et quietam clamavi de me et heredibus meis et hac presenti carta confirmavi deo et beate Marie et sancto Johanni baptiste de Godestowe et monialibus ibidem deo servientibus pro salute anime mee et Johanne uxoris mee et pro animabus omnium antecessorum et successorum meorum totam terram meam quam habui in Fencote que vocatur La Hyde Turpyn de feudo abbatie de Abbendon cum omnibus pertinentiis suis sine aliquo retinemento in bosco et prato in pascuis et pasturis in viis et semitis et cum omnibus consuetudinibus et libertatibus ad predictam terram pertinentibus et cum omnibus villanis de predicta terra tenentibus et sequelis eorum habendam et tenendam eisdem monialibus de me et heredibus meis inperpetuum reddendo inde annuatim michi et heredibus meis unam libram cimini ad festum sancti Michaelis et abbatie de Abbend ii s pro omni servitio et exactione seculari Ego autem predictus Osbertus Turpin et heredes mei totam predictam terram cum omnibus pertinentiis suis predictis monialibus contra omnes homines warantizabimus inperpetuum et aquietabimus Et pro hac mea donatione et concessione et quieta clamatione et carte mee confirmatione predicte moniales michi dederunt xxvi marcas argenti in gersume Et ad omnimodam securitatem faciendam et confirmandam presenti scripto sigillum meum apposui Hiis testibus domino Rogero abbate de Dorkecestre domino Radulfo Hareng domino Genteschin le Pouere domino Roberto de Witham Ricardo filio Mace de Brachele domino Walerando capellano de Godestowe domino Roberto Basset domino Henrico senescallo de Godestowe Laurentio serviente de Godestowe et multis aliis