Charter Document - 05450191
| Charter Number: | 05450191 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Enfeoffment |
| Date: | 1175 - 1225 |
| Date type: | Assigned |
| Resource Link(s): |
|
Charter:
Sciant tam presentes quam futuri quod ego Willelmus Turpyn dedi et concessi et presenti carta mea confirmavi Galfrido filio meo pro homagio et servitio suo totam terram meam de Fencote cum omnibus pertinentiis suis scilicet in pratis et pascuis et omnibus aliis rebus ad eam pertinentibus tenendam et habendam sibi et heredibus suis in feudo et hereditate vel cuicumque illam dare vel assignare voluerit de me et heredibus meis libere et quiete pacifice et honorifice finabiliter pro una libera piperis vel vi d pro voluntate ipsius Galfridi vel heredum suorum vel quorumcumque assignatorum predicti Galfridi annuatim reddendo michi vel heredibus meis ad festum sancti Michaelis pro omni servitio et exactione salvo forinseco servitio dominorum scilicet ii s camerario abbatie sancte Marie de Abbendon annuatim reddendo ad festum sancti Michaelis pro omni servitio Et ego Willelmus Turpyn et heredes mei predictam terram cum pertinentiis suis predicto Galfrido et heredibus suis vel etiam quibuscumque assignatis suis contra omnes homines et omnes feminas warantizabimus Et pro hac donatione mea et presentis carte confirmatione et warantizatione dedit michi predictus Galfridus i marcam argenti in gersomam Et ut hec mea donatio et concessio imperpetuum rata et stabilis perseveret eam presenti scripto sigilli mei appositione roboravi Hiis testibus Ricardo filio Alani Thoma filio eius Willelmo capellani de Edricheston Roberto le Brun Hugone paupere Ricardo vintore Roberto de Piselega Johanne de Pisolega Humfrido filio Hervici