Charter Document - 05450189
| Charter Number: | 05450189 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1230 - 1240 |
| Date type: | Assigned |
| Resource Link(s): |
|
Charter:
Omnibus Christi fidelibus hoc scriptum visuris vel audituris Alienora quondam uxor Willelmi Foliot de Evenle salutem Noscat universitas vestra me libera viduitate mea post decessum Willelmi Foliot mariti mei resignasse et omnino quietum clamasse pro me inperpetuum deo et beate Marie et domui sancti Johannis baptiste de Godestowe et monialibus ibidem deo servientibus pro salute anime mee et antecessorum meorum et successorum iiii d redditus quos Claricia que fuit quondam uxor Silvestri de Brackele michi reddidit annuatim scilicet pro tercia parte decem acrarum terre in campo de Evenle sub nomine dotis quos ad duos anni terminos de ea recipere solebam scilicet ad assumptionem beate Marie ii d et ad annunciationem beate Marie ii d Et ut hec mea resignatio et quieta clamatio rata et inconcussa permaneat omnibus diebus vite mee hoc presens scriptum sigilli mei inpressione roboravi Hiis testibus domino Silvestro tunc capellano de Godestowe Petro de Dunniton tunc ibidem senescallo Ricardo Mace de Brackele Radulpho fratre suo Ernulfo Goer Nicholao Wetheman Roberto Clerc et aliis