Charter Document - 05450185
| Charter Number: | 05450185 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1230 - 1240 |
| Date type: | Assigned |
| Resource Link(s): |
|
Charter:
Sciant tam presentes quam futuri quod ego Rogerus Foliot filius Willelmi de Evenle concessi et hac mea presenti carta confirmavi donum patris mei Willelmi Foliot deo et beate Marie et sancto Johanni baptiste de Godestow et abbatisse et sanctimonialibus ibidem deo servientibus in puram et perpetuam elemosinam decem acras terre in villa de Evenle scilicet quinqe acras arabiles in campo orientali et quinque acras in campo occidentali quarum una est de feodo domini Saeri comitis Winton et est super Purfurling inter terram Ricardi filii Macii de Brachele et terram Gilberti de Childeb Alia acra est contra molendinum de Cuthill et se abutiat super foreram prepositi ad unum capud et super foreram Radulphi caretarii ad aliud capud Tercia acra est super fernacia inter duas dimidias acras predicti Ricardi filii Macii Quarta acra est super Longam de feodo domini comitis et cadit in Thoherwey et iacet inter terram Ricardi filii Macii et terram Gilberti de Childeb Quinta acra est in Micdelbroch de feodo domini comitis et extendit se in croftam Johannis de Craton Sexta et septima acre sunt ad Edwerdesburieles de feodo de Wahull iuxta terram Radulphi filii Walteri et terram Petri de Childeb Octava acra est super Gorbrode de feodo domini comitis inter terram Ricardi filii Macii et terram Gilberti de Childeb et in orientali parte extendit se super foreram Radulphi filii Walteri Et una acra que est de feodo domini comitis Winton scilicet illa que iacet inter terram Ricardi filii Macii et abutiat super viam de Cherltun Et una acra que abutiat se usque ad semitam de Hynton que de feodo de Wahulle et iacet in Netreferne inter terram Hernaldi Goher et terram Petri de Childeb tenendas et habendas de me et de heredibus meis libere pacifice honorifice et quiete ab omni servitio ita quod ego Rogerus Foliot et heredes mei illam liberam elemosinam contra omnes homines et feminas viventes per proprios sumptus nostros warantizabimus predicte abbatisse de Godestowe et sanctimonialibus ibidem deo servientibus et ab omni exactione et demanda et ab omni servitio forinceco et intrinseco aquietabimus inperpetuum Et concessi sepedicte abbatisse de Godestowe et sanctimonialibus ibidem deo servientibus cum prenominatis acris pascuam et omnia alia asiamenta in viis semitis in aquis in exitibus in pasturis et in omnibus aliis locis et libertatibus ad tantas acras pertinentia Et ut hec mea concessio et confirmatio rata stabilis et illesa permaneat sigillum meum huic scripto apposui Hiis testibus magistro Silvestro tunc magistro capellano de Godestowe Petro de Dunetun tunc senescallo de Godestowe Ricardo filio Macii Hernaldo Goher Ricardo de Als Johanne de Crettune Reginaldo tunc janitore de Godestowe Amando clerico et multis aliis