Charter Document - 05450180
| Charter Number: | 05450180 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1284 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hubertus de Gardino salutem in domino Noveritis me remisisse et omnino quietum clamasse pro me et heredibus meis venerabilibus mulieribus religiosis domine Mabille dei gratia abbatisse de Godestowe et eiusdem loci conventui totum ius et clamum que habui vel aliquo modo habere potui in tota illa dimidia virgata terre cum pertinentiis in Worthe et Estthrop quam habent de dono et feoffamento Rogeri de Writele et quam idem Rogerus habuit de dono Nicholai patris mei ita quod nec ego nec heredes mei nec aliquis nomine nostro aliquid iuris seu clamii in predicta terra cum pertinentiis inposterum exegere poterimus nec clamare debemus Pro hac autem remissione et quieta clamantia dederunt michi predicta abbatissa et conventus unam marcam argenti In cuius rei testimonium presenti scripto sigillum meum apposui Hiis testibus dominis Ricardo de la Ryvere Johanne Waleraund militibus Thoma de Maundevill Roberto filio Jacobi Roberto de Molendino Johanne Aylmer Rogero Bryan Johanne de Wydehull et aliis Data apud Heyeworthe die sabbati proxima post festum sancti Bartholomei anno regni regis Edwardi filii regis Henrici duodecimo