Charter Document - 05450178
| Charter Number: | 05450178 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presentes littere pervenerint Rogerus de Writele salutem in domino Noveritis me constituisse dilectum michi in Christo Rogerum Brian attornatum meum ad ponendum venerabiles mulieres religiosas dominam Mabillam dei gratia abbatissam de Godestow et eiusdem loci conventum in plenariam seisinam de omnibus terris et tenementis cum eorum pertinentiis que aliquo tempore habui in Heyeworthe et Estthrop que eisdem dedi et concessi inperpetuum secundum quod melius et plenius continetur in carta feoffamenti quam eisdem inde fieri feci ratum habituri et gratum quicquid idem Rogerus nomine meo fecerit in premissis In cuius rei testimonium presentibus litteris sigillum meum apposui Data apud Bluntesdon die mercurii proxima ante festum sancti Bartholomei anno regni regis Edwardi filii regis Henrici duodecimo