Charter Document - 05450176
| Charter Number: | 05450176 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1283 - 1294 |
| Date type: | Assigned |
| Resource Link(s): |
|
Charter:
Sciant presentes et futuri quod ego Elyas de Mandevile filius Hugonis de Mandevile dedi concessi et quietum clamavi pro me et heredibus meis vel meis assignatis deo et ecclesie beate Marie ac sancti Johannis baptiste de Godestowe et monialibus ibidem deo servientibus et in perpetuum servituris ii s annui redditus quos annuatim recipere consuevi de Rogero de Writele pro una virgata terre quam habuit de dono Hugonis patris mei in villa de Heyeworthe et Estthrop habendum et tenendum predictum redditum duorum solidorum de me et heredibus meis vel meis assignatis deo et prefate ecclesie ac monialibus in eadem deo servientibus et inperpetuum servituris libere quiete bene et in pace sine aliquo reclamio vel retinemento michi et heredibus meis vel meis assignatis reddendo inde annuatim michi et heredibus meis vel meis assignatis dimidiam libram cimini pro omni exactione et seculari demanda ad pascha Pro hac autem donatione concessione et quieta clamantia dederunt michi moniales prefate ecclesie de Godestowe xx s sterlingorum bone et legalis monete premanibus Et ego vero dictus Helias et heredes mei vel mei assignati predictum redditum duorum solidorum predicte ecclesie de Godestowe et monialibus ibidem deo servientibus et inperpetuum servituris contra omnes homines nostris propriis sumptibus acquitabus et defendemus inperpetuum In cuius rei testimonium huic presenti scripto sigiilum meum apposui Hiis testibus Rogero de La Buri Rogero Brian Willelmo Brian Huberto de Worthe Adam de Eylesburi et aliis