Charter Document - 05450175
| Charter Number: | 05450175 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1283 - 1294 |
| Date type: | Assigned |
| Resource Link(s): |
|
Charter:
Omnibus Christi fidelibus hoc presens scriptum inspecturis ego Elyas de Mandevile salutem in domino sempiternam Noveritis me concessisse nobilis mulieribus domine Mabille abbatisse de Godestowe et conventui eiusdem loci liberum ingressum in tota illa virgata terre cum pertinentiis quam habuerunt de dono Rogeri de Writele in villa de Worthe et Estthrop quam quidem idem Rogerus de me tenuit Preterea dedi relaxavi et omnino quietum clamavi de me et heredibus meis inperptuum predictis domine Mabille abbatisse de Godestowe et eiusdem loci conventui totum redditum meum duorum solidorum quos Rogerus de Writele michi reddere consuevit pro predicta virgata terre habendum et tenendum de me et heredibus meis vel meis assignatis predictis domine Mabille abbatisse de Godestowe et conventui eiusdem loci et eorum successoribus libere quiete bene et in pace iure hereditario inperpetuum reddendo inde annuatim michi et heredibus meis vel meis assignatis unam libram et dimidiam cimini ad pascha pro omni servitio et demanda seculari Ego vero Elias et heredes mei et mei assignati predictis mulieribus domine Mabille abbatisse de Godestowe et eiusdem loci conventui et eorum successoribus totam predictam virgatam terre cum pertinentiis contra omnes mortales warantizabimus acquietabimus et defendemus inperpetuum Pro hac autem donatione et warantizatione dederunt michi xx s argenti in gersuma premanibus In cuius rei testimonium hanc cartam sigilli mei inpressione roboravi Hiis testibus dominis Roberto de Losteshull et Johanne Walerand militibus Roberto do Molendino Roberto filio Jacobi Galfrido de Mandeville Huberto de Gardino et multis aliis