Charter Document - 05450173
| Charter Number: | 05450173 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Enfeoffment |
| Date: | 1270 - 1284 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo de Mandevile filius Philippi de Mandevile dedi et concessi et hac presenti carta mea confirmavi Rogero de Writele de Bluntesdone et heredibus suis vel suis assignatis pro homagio et servitio in liberum socagium totam illam virgatam terre quam Radulphus Castel quondam de me tentenuit in villa de Heyeworthe scilicet in Estthrop cum mesuagio et crofta et cum omnibus aliis ubique pertinentiis suis et libertatibus in pratis pascuis pasturis in viis et semitis et in omnibus aliis ubique locis sine aliquo retenemento michi et heredibus meis habendum et tenendum de me et heredibus meis dicto Rogero de Writele et heredibus suis vel suis assignatis cuicumque et quandocumque assignare dare vendere vel legare voluerit tam in egritudine quam in sanitate in feodo et hereditate libere et quiete bene et in pace jure hereditario inperpetuum sine ullo inpedimento vel aliqua reclamatione vel vexatione mei vel heredum meorum inposterum reddendum inde annuatim michi et heredibus meis ipse Rogerus et heredes sui vel sui assignati quicumque sint ii s argenti ad quatuor anni terminos videlicet ad nativitatem domini vi d ad pascha vi d ad nativitatem sancti Johannis baptiste vi d et ad festum sancti Michaelis vi d pro omnibus servitiis sectis curie mee querelis consuetudinibus auxiliis wardis excaetis et secularibus demandis michi et heredibus meis pertinentibus salvo michi et heredibus meis rationabili relevio Ego vero Hugo de Mandevile et heredes mei vel mei assignati predicto Rogero de Writele et heredibus suis vel suis assignatis totam predictam virgatam terre cum mesuagio et omnibus aliis ubique pertinentiis suis et libertatibus sicut predictum est contra omnes homines et feminas qui aliquid inde aliquo casu exigere poterint warantizabimus inperpetuum Pro hac autem donatione mea concessione carte mee confirmatione et warantizatione relaxavit michi dictus Rogerus quatuor virgatas terre et duas partes unius virgate terre quas de me tenuit ad firmam ad terminum octo annorum cum toto mesuagio meo in dicta villa de Heyeworthe et etiam dedit michi iiii marcas argenti premanibus Et quia volo quod hec mea donatio concessio carte mee confirmatio et warantizatio firma sit et stabilis inperpetuum hanc presentem cartam sigilli mei inpressione roboravi Hiis testibus Roberto de Habindone Warino de Eylesburi Jacobo filio Rogeri de Worthe Petro de Molendino Nicholao de Gard Johanne Eylmer de Sevenhampton Ricardo de Hamptone clerico et multis aliis