Charter Document - 05450170
| Charter Number: | 05450170 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1283 - 1285 |
| Date type: | Assigned |
| Resource Link(s): |
|
Charter:
Sciant presentes et futuri quod ego Sarra de Mandevile dedi concessi et hac presenti carta mea confirmavi nobili mulieri domine Mabille dei gratia abbatisse de Godestowe et eiusdem loci conventui et eorum successoribus inperpetuum unum mesuagium cum cortilagio et crofto in villa de Heyeworthe scilicet in Estrop quod quidem habui de dono Ade Warini in eadem villa cum omnibus suis ubique pertinentiis habendum et tenendum de Thoma de Mandevile domino feudi et heredibus suis predicte domine Mabille abbatisse de Godestowe et eiusdem loci conventui et eorum successoribus libere quiete bene et in pace jure hereditario inperpetuum sine ullo retinemento faciendo inde predicto Thome domino feudi servitia debita et consueta predicto mesuagio et crofto pertinentia pro omnibus servitiis et secularibus demandis michi et heredibus meis spectantibus salvo predicto domino feudi omnia servitia predicta eidem tenemento tam in secta curie quam in redditibus spectantia videlicet unum par calcarum deauratorum vel vi d ad pascha et unam libram cimini ad festum sancti Michaelis cum dicta secta annuatim Ego vero predicta Sarra et heredes mei predicte domine Mabille abbatissa de Godestow et eiusdem loci conventui et eorum successoribus totum predictum tenementum contra omnes mortales warantizabimus acquietabimus et defendemus inperpetuum Pro hac autem donatione concessione et warantia dedit in predicta domina Mabilla abbatissa de Godestowe xx marcas argenti in gersuma premanibus In cuius rei testimonium huic presenti carte sigillum meum est appensum Hiis testibus dominis Ricardo de la Rivere et Johanne Walerand militibus Johanne Aylmer Roberto filio Jacobi Thoma de Mandevile Elya de Mandevile Johanne Coco de Hampton Rogero de la Bury Johanne Brian Nicolao Canvel Rogero Brian et multis aliis