Charter Document - 05450168
| Charter Number: | 05450168 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1270 - 1284 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam de Eylesburi filius Warini de Eylesburi concessi et confirmavi Rogero de Writele de Bluntesdone et heredibus suis et assignatis totam illam terram quam habuit ex dono Warini patris mei in villa de Heyeworthe scilicet in Estrop cum mesuagio et omnibus aliis ubique pertinentiis suis habendam et tenendam de me et heredibus meis dicto Rogero de Writele et heredibus suis et assignatis libere quiete bene et in pace sine ullo inpedimento mei et heredum meorum sicut carta predicti Warini patris mei rationabiliter testatur reddendo inde annuatim michi et heredibus meis ipse Rogerus et heredes sui x d argenti ad festum sancti Michaelis pro omnibus servitiis sectis curie et demandis Et ego Adam de Eylesburi volo et concedo quod predictus Rogerus de Writele totam illam predictam terram cum mesuagio et omnibus aliis pertinentiis suis possit dare vendere legare et assignare cuicumque et quandocumque voluerit tam in domibus regiosis quam alibi tam in egritudine quam in sanitate Pro hac autem confirmatione dedit michi predictus Rogerus de Writele x s premanibus Et quia volo quod hec mea concessio et confirmatio firma sit et stabilis hoc presens scriptum sigilli mei inpressione roboravi Hiis testibus Johanne Walrand Rogero de La Bur Rogero Brian Willelmo Brian Huberto de Gardino et multis aliis