Charter Document - 05450167
| Charter Number: | 05450167 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1270 - 1284 |
| Date type: | Assigned |
| Resource Link(s): |
|
Charter:
Sciant presentes et futuri quod ego Warinus de Eylesbury dedi et concessi et hac presenti carta mea confirmavi Rogero de Writele et heredibus suis vel suis assignatis totam illam virgatam terre quam Walterus de Alfrintone quondam de me tenuit in villa de Estrop cum mesuagio et omnibus aliis ubique pertinentiis suis et libertatibus in pratis pascuis pasturis in viis et semitis et in omnibus aliis ubique locis tenendum et habendum de me et heredibus meis dicto Rogero et heredibus suis vel suis assignatis cuicumque et quandocumque assignare dare vendere vel legare voluerit tam in egritudine quam in sanitate in feodo et hereditate libere et quiete bene et in pace jure hereditario inperpetuum sine ullo inpedimento vel aliqua reclamatione vel vexatione mei vel heredum meorum imposterum reddendo inde annuatim michi et heredibus meis ipse Rogerus et heredes sui vel sui assignati iiii d argenti ad festum sancti Michaelis pro omnibus servitiis sectis curie mee querelis consuetudinibus auxiliis wardis herietis et omnibus aliis excaetis michi et heredibus meis pertinentibus et etiam pro omni servitio forinseco salvo michi et heredibus meis rationabili relevio Ego vero Warinus et heredes mei predicto Rogero de Writele et heredibus suis vel suis assignatis totam predictam virgatam terre cum omnibus ubique pertinentiis suis et libertatibus contra dominos et iusticiarios et etiam contra omnes homines et feminas qui aliquid inde aliquo casu exigere poterint sub custu nostro warantizabimus acquietabimus et defendemus inperpetuum et sine dampno conservabimus Pro hac autem donatione mea concessione carte mee confirmatione et warantizatione dedit michi predictus Rogerus xv marcas argenti premanibus Et quia volo quod hec mea donatio concessio carte mee confirmatio et warantizatio firma sit et stabilis inperpetuum hanc presentem cartam sigilli mei inpressione roboravi Hiis testibus Rogero de la Bury de Bluntesdone Ada de Estone Jacobo filio Rogeri de Worthe Johanne Coco de Hampton Petro de Molendino Roberto filio Roberti de Molendin Galfrido de Mandevile Nicholao de Gardino Ric Tarlari et multis aliis