Charter Document - 05450163
| Charter Number: | 05450163 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Licence |
| Date: | 1284 |
| Date type: | Internal, Calendar, Regnal |
| Resource Link(s): |
|
Charter:
Edwardus dei gratia rex Angl dominus Hibern et dux Aquitann omnibus ad quos presentes littere pervenerint salutem Licet de communi consilio regni nostri providerimus quod non liceat viris religiosis seu aliis ingredi feodum alicuius ita quod ad manum mortuam deveniat sine licentia nostra et capitalis domini de quo res illa immediate tenetur volentes tamen Rogero de Writele gratiam facere specialem dedimus ei licentiam quantum in nobis est quod unam carucatam terre cum pertinentiis in Heyeworth et Bluntesdon dare possit et assignare dilectis nobis in Christo abbatisse et monialibus de Godestowe tenendum et habendum sibi et successoribus suis imperpetuum Et eisdem abbatisse et monialibus quod predictam terram a prefato Rogero sic recipere possint tenore presentium similiter licentiam concedimus specialem nolentes quod idem Rogerus seu prefate abbatisse et moniales ratione statuti predicti inde per nos vel heredes nostros occasionentur in aliquo vel graventur salvis tamen capitalibus dominis feodi illius servitiis inde debitis et consuetis In cuius rei testimonium has litteras nostras fieri fecimus patentes Teste me ipso apud Montem Altum quinto die Octobris anno regni nostri duodecimo Cancellario mandata de Monte Alto