Charter Document - 05450161

Omnibus Christi fidelibus ad quos presens scriptum pervenerit R de capella divina miseratione dictus abbas Cirencestrie et eiusdem loci conventus salutem in domino Noverit universitas vestra nos unanimi assensu concessisse capelle de Etona que est capella de Eysi ut habeat per matricem ecclesiam de Eysi omnia servitia que de jure consuevit habere scilicet omnibus diebus dominice et omnibus diebus festivis feriabilibus et in qualibet septimana tribus diebus videlicet die lune die mercurii et die veneris et per totam quadragesima servitium continuum cum horis diei in quadragesima et diebus festivis feriabilibus dicendis Concessimus etiam ut homines de Etona in cimiterio capelle de Etona perpetuo per capellanum de Eisy sepeliantur salvo per omnia matrici ecclesie de Eysi jure quod ipsa in predicta capella consuevit habere salvis etiam episcopalibus juribus et consuetudinibus Concessimus preterea abbatisse et conventui de Godestow ut liceat eis retinere decimas de nutrimentis animalium de dominio suo et de novalibus et piscationibus et fructibus arborum iuxta quod eis in privilegiis Clementis pape tertii et Celestini pape tertii est indultum Promisimus etiam ut verbo veritatis nos in posterum nichil impetraturos nec aliquo de cetero impetrato usuros per quod huic conventioni inter nos facte fraus fiat vel in aliquo derogetur Et ut hec conventio rata permaneat et inconcussa eam sigilli nostri munimine roboravimus Hiis testibus de Radingis de Abendona de Thama de Osneia de Dorkecest de Messendena abbatibus magistro Simone de Scal officiali domini Sal G archidiacono de Berkesir magistro R de Chedlesword magistro R Thehcham magistro G de Lantona decano de Lantona magistro J de Cernai W capellano de Scriveham Reinbaldo de Eton et multis aliis