Charter Document - 05450160

Universis Christi fidelibus ad quos presens scriptum pervenerit Hugone dei gratia abbas Abbendon et Willemusl eadem gratia abbas de Tham et magister Robertus de Chadelesuurd salutem in domino Ad universitatis vestre noticiam volumus pervenire quod controversia mota inter Ricardus abbatem et canonicis Cirencestrie et Agnes abbatissam et moniales de Godestowe cuius cause cognitio fine debito decidente a domino papa Celestino tercio nobis erat commissa post multos eiusdem negociis tractatus ipsius de virorum prudentum consilio amicabiliter componentibus hoc demum fine quievit videlicet quod predicta abbatissa et moniales querelam quam moverant predictis abbati et canonicis super capellam de Etona asserentes eam liberam et absolutam a subiectione cuiuslibet matricis ecclesie esse debere ipsius canonicis ex toto remiserunt concedentes ut predicta capella de Eton ecclesie de Eysi tamquam capellam perpetuo subiecta permaneat Concesserunt etiam capelle de Eton et per eam ecclesie de Eysi ut matrici ecclesie dimidiam hidam terre in Eton aliam ab ea quam tenet et ab antiquis temporibus continue tenuit tenendam in puram et perpetuam elemosinam cum prato et pastura ad eam pertinente libere et quiete ab omni exactione et servitio ipsis monialibus vel aliis inde faciendo unam scilicet virgata terre que antiquitus predicte capelle fuerat assignata cum pertinentiis quas habuit antiquitus et aliam virgata terre de dominio monialium in escambium cuiusdam virgata que antiquitus predicte capelle fuerat assignata cuius virgata decem acre sunt assignate in orientali campo in cultura que Beringereslond nuncupatur Et in eadem parte campi assignatum est de dominico prato monialium pratum pertinens ad predictam virgata scilicet due acre et dimidia Alie decem acre assignate sunt in australi campo in cultura que vocatur Nedermorfurlong in qua cultura retinuerunt igitur moniales duas acras exteriores viciniores pasture Concesserunt preterea predicte capelle cum predicta terra croftam quandam cum mesuagio contiguam crofte prius ad eandem capellam pertinenti Concesserunt etiam quod de toto dominio suo in Eton decimas bladi ad hostia horreorum suorum integre dabunt persone de Eysi et eius successoribus inperpetuum sine dolo et molestia Promiserunt quoque in verbo domini se nil in posterum ab apostolica sede inpetraturus nec aliquo inpetrato usuras per quod predicte conventioni in aliquo derogetur et quod in fraude istius conventionis non convertent terram arabilem in pasturam vel pasturam in terram arabilem Predicti siquidem abbas et canonici concesserunt predicte capelle de Eton ut habeat per matricem ecclesiam de Eysi omnia servitia que de iure consuevit habere scilicet omnibus diebus dominicis et omnibus diebus festivis feria bilibus et in qualibet septimana tribus diebus videlicet die lune die mercurii die veneris et per totam quadragesimam servitium continuum cum horis diei in quadragesima et diebus festivis feria bilibus dicendis Concesserunt etiam ut homines de Eton in cimiterio capelle de Eton perpetuo per capellam de Eysi sepeliantur salvo per omnia matrici ecclesie de Eysi iure quod ipsa in predicta capella consuevit habere salvis etiam episcopalibus iuribus et consuetudinibus Concesserunt preterea abbatisse et conventui de Godestowe ut liceat eis perpetuo retinere decimas de nutrimentis annualium de dominio suo et de novalibus et piscationibus et fructibus arborum iuxta quod eis in privilegiis Clementis pape tercii est indultum Promiserunt etiam in verbo veritatis quod nichil in posterum impetrabunt nec aliquo de cetero impetrato utentur per quod hunc conventionem fraus fiat in aliquo derogetur Quam igitur indecens est et rationi contrarium ut controversie precipue inter viros religiosos fine canonico terminate iterum redivivo dolore suscitentur prefatam compositionem coram nobis rationabiliter factam auctoritate qua fungebamur confirmavimus Et ut ipsa perpetuo rata permaneat et inconcussa eam presentis scripti testimonio sigillorum nostrorum appositione duximus corroborandam Hiis testibus de Rading et de Oseneia de Dorkecest de Messenden abbatibus magistro Simone de Scalis Godfridus archidiacono Berkesir magistro Roberto de Thachi magistro Godfrido de Lanton magistro Johannes de Sernei et multis aliis