Charter Document - 05450155
| Charter Number: | 05450155 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1145 - 1148 |
| Date type: | Assigned |
| Resource Link(s): |
|
Charter:
Episcopo Linc et omnibus sancte dei ecclesie fidelibus tam presentibus quam futuris Reginaldus filius Rogeri comitis Herefordie et Emelina uxor sua in Christo salutem Universitati vestre notum sit me Reginaldum predicti comitis filium et uxorem meam E necnon filios et filias meas Willelmum scilicet Reginaldum et Hamelinum necnon Agnetem et Julianam dedisse et concessisse in perpetuam elemosinam deo et ecclesie sancte Marie et sancti Johannis baptiste de Godestow ad usum sanctimonialium Eatonam manerium meum de primo dominio nostro pro salute nostra et remedio peccatorum nostrorum necnon pro anima Henrici regis et animabus antecessorum nostrorum quarum volumus et affectuose doe et vestre fraternitati supplicamus expetetentes ne hanc donationem nostram aliquis maligni spiritus instinctu nitatur impedire seu aliquibus fatigationibus predicte ecclesie sanctimoniales exinde vexare set teneant et habeant illud bene et in pace et libere et quiete et honorifice in bosco et plano in pratis et pasturis in aquis et molendinis in stagnis et viis et semitis et in omnibus appendiciis suis cum omnibus consuetudinibus et libertatibus cum quibus melius et liberius illud tenuimus dum in nostra manu fuit tempore regis H et postea regis S cuius etiam carta hec nostra donatio confirmata est anno x regni sui Testibus Alexandro episcopo Linc et Roberto episcopo Heref Waltero archidiacono Oxin magistro Galfrido Trenchebisa Walkelino et Nicholao monachis de Evesh Waltero de Sancto Guthlaco Roberto priore Sancte Frideswithe Ricardo presbytero de Waldena et Abberico capellano et de capellanis regis S Balderico de Sigillo Thoma et alio Thoma necnon militibus eiusdem regis Pagano de Bulli Ricardo de Canvilla Hugone de Berneriis Rogero Briton Stigand Willelmo Sorel Osmundo de Godestowe Nicholao Hugone Ricardo Godinan Fulcone Elwino de Oxinef apud Waled