Charter Document - 05450150
| Charter Number: | 05450150 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1203 - 1206 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Willelmus dei gratia Lincoln episcopus eternam in domino salutem Noverit universitas vestra quod cum causa quedam verteretur inter priorem et canonicos de Northona ex una parte et sanctimoniales de Godestowe ex altera super ecclesia de Esendon quam idem canonici petebant tamquam capellam ad ecclesiam suam de Piriton de iure spectantem coram G de Cestria et O de Stanlaue abbatibus et B decano Cestren iudicibus a sede apostolica delegatis partibus in presentia nostra ad componendum amicabiliter per assensum iudicum constitutis controversia prefata hoc fine quievit videlicet quod prefati canonici totum ius quod ipsi vel ecclesia de Piriton in ecclesia de Esendon videbantur habere liberum et absolutum nobis presentibus iam dictis monialibus inperpetuum remiserunt et prefate moniales prefatis canonicis unum bizancium pro bono pacis annuatim ad festum sancti Michaelis inperpetuum persolvent et quod parochianos ecclesie de Piriton in prefata ecclesia de Esendon ad divina iure parochiali non recipient nec ius aliquod parochiale ecclesie de Piriton sibi vendicabunt nec canonici in ecclesia de Esendon Ne ergo contra hanc compositionem cuiquam venire liceat eam presentis scripti testimonio et sigilli patrocinio roboravimus Hiis testibus magistro G de Masbitorp et Thoma de Fiskton Lincoln ecclesie canonicis vicario capellano magistris W filio Fulberti A de Sancto Admund W de Stanenbi et Hugone de Gloucestr Rogero Bacun P de Cheuremunt Carolo et Waleranno clericis et multis aliis