Charter Document - 05450130

Hec est conventio facta inter dominam Margaretam de Redevariis ex una parte et magistrum Achardum de Medeburne heredem Nigelli de Medeburne ex altera anno regni regis H filii regis Johannis tricesimo ad festum sancti Michaelis videlicet quod dicta Margareta in legia potestate et libera viduitate sua concessit et dimisit dicto Achardo villam suam de Crickelade cum omnibus pertinentiis suis una cum hundredo ad dictam villam pertinente et totam terram suam de Stratune cum omnibus pertinentiis suis sine aliquo retenemento salvo redditu ad duos anni terminos ad hundredum de Wrhe pertinente ita quod homines sui de Stratune non debent ultra duas marchas annuatim tallari pro relaxatione ville et hundredi de Wrhe et omnium ad dictam villam et hundredum pertinentium que dictus Achardus habuit sicut heres dicti Nigelli de Medeburne usque ad terminum sex annorum et amplius ut per cyrograffum inter dictam M et dictum N confatum perpendi potest habendum et tenendum de dicta M et heredibus suis sibi et heredibus suis vel suis assignatis a dicto festo sancti Michaelis usque ad finem decem annorum sequentium completorum Convenit etiam inter eos quod dictus Achardus habebit misericordiam de hominibus de Stratune tam de feudo domine M quam de feudo dicti Achardi si contigerit illos in hundredo de Wrhe amerciari pro relaxatione nundinarum de Stratune quas dictus A dicte domine M usque ad terminum suum relaxavit Similiter convenit inter eos quod ballivus hundredi de Wrhe domino regi juratus aquietabit hundredum de Crickelade in mandatis domini regis versus vicecomitem ita quod ballivus de Crickelade dicto ballivo de Wrhe in mandatis domini regis et vicecomitis respondebit et si idem A vel heredes sui vel eius assignati de predictis villis vel hundredo vel per dissaysinam vel aliquo alio modo per defectum dicte M vel heredum suorum aliquid perdiderit teneat idem A vel heredes sui vel eius assignati dictas villas cum pertinentiis suis una cum hundredo de Crickelade de dicta M et heredibus suis donec ad valentiam dampni sui rationabiliter receperint Et dicta M et heredes sui dicto A et heredibus suis vel suis assignatis dictam conventionem usque ad dictum terminum warantizabunt Et si libertas ville de Crickelade vel hundredi per defectum dicti A in aliquo lesa fuerit idem A dicte domine M de dicto defectu respondebit Et ut hec conventio fideliter et sine dolo teneatur uterque illorum sigilla sua cyrograffis huius conventionis mutuo apposuerunt Hiis testibus Ricardo de Mora domino Gilbert de Columbariis Thoma de Brente Andrea de Wich Rogero de Writele Roberto de Molendino Ricardo de la Penne Nicholao carpentario Willelmo Robbe Symone Robbe et multis aliis