Charter Document - 05450127
| Charter Number: | 05450127 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Petrus le Notte de Hyerniton dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestow et monialibus ibidem deo servientibus et inperpetuum servituris pro salute anime mee medietatem burgagii mei quod habui in magno vico de Crickelade cum curtilagio et omnibus ibique suis pertinentiis que medietas burgagii sita est iuxta soppham quam Ada Bene tenuit ex parte boriali et medietatem burgagii quam idem Iohannes tenuit ex parte australi habendum et tenendum de me et heredibus meis dictis monialibus et earundem successoribus libere et quiete pacifice et integre inperpetuum reddendo inde annuatim dicto Johanni et heredibus suis vel suis asignatis vi d ad duos anni terminos videlicet ad Okeday iii d et ad festum sancti Michaelis iii d pro omni servitio consuetudine et demanda seculari michi et heredibus meis pertinente Volo etiam et assigno quicquid potest levari de dicto burgagio sit ad sustentandum luminarie in cera coram cruce in choro monasterii de Godestow Ego vero Petrus le Notte de Hyerninton et heredes mei vel mei assignati predictum burgagium cum suis pertinentiis predictis monialibus et earundem successoribus seu earundem assignatis contra omnes homines mares et feminas warantizabimus acquietabimus et defendemus inperpetuum super omnia bona que michi et heredibus mei in villa de Crickelade aliquo iure contingere possint Et ut hec mea donatio concessio warantizatio et presentis carte mee confirmatio perpetue stabilitatis robur optineat presentem cartam sigilli mei inpressione confirmavi Hiis testibus domino Willelmo vicario de Duninton tunc magistro de Godestowe domino Henrico tunc decano de Crickelade David de Hereford tunc preposito de Crickelade Gileberto submonitore de eadem villa Walkelino de Godestowe et aliis