Charter Document - 05450126
| Charter Number: | 05450126 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1272 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter Willelmum de Basevile ex una parte et Rogerum de Writele et Agnetem uxorem suam ex altera die sancte Lucie viginis proxima post obitum Henrici filii regis Johannis ita videlicet quod dictus Willelmus assensu et bona voluntate Juliane uxoris sue et heredum suorum tradidit et dimisit dicto Rogero de Writele et Agneti uxori sue et heredibus suis vel suis assignatis totam terram suam que appellatur Assart cum prato quod appellatur Suggemede in territorio de Cheddewrthe scilicet de Postcumbeheved usque ad viam que ducit versus domum Ricardi de Bosco et de Tristale usque ad terram Johannis de Bosco termino incipiente ad festum sancti Michaelis usque ad terminum duodecim annorum proximo sequentium et plene completorum habendam et tenendam dicto Rogero et heredibus suis vel assignatis totam predictam terram cum prato adiacente et cum omnibus pertinentiis suis in pratis pascuis et pasturis in boscis viis et semitis et in omnibus aliis locis cum omnibus libertatibus et liberis consuetudinibus ad eandem terram spectantibus reddendo inde annuatim domino illius feuodi v s ad duos anni terminos videlicet ad annunciationem beate Marie virginis in Marcio ii et vi d et ad festum sancti Michaelis ii et vi d pro omni servitio consuetudine et seculari demanda et predicto Willelmo unum dimidium quarterii frumenti annuatim die sancte Lucie virginis ita videlicet quod dicti Rogerus et uxor sua et heredes sui possint dictam terram vendere legare dare cuicumque voluerint tam in egreditudine quam in sanitate infra prefatum terminum Et si contingat quod absit quod dictus Rogerus vel Agnes uxor sua vel heredes sui vel sui assignati aliquam incurrant iacturam ob causam defectus dicti Willelmi coram justiciariis errantibus vel in aliquibus curiis dicta terra remaneat in manibus dicti Rogeri et Agnetis uxoris sue et heredum suorum vel suorum assignatorum post prefatum terminum donec dicte jacture eisdem restituantur per visum bonorum et legalium virorum Et si contingat quod absit aliquem in dictam terram intrare per se vel pro se infra prefatum terminum obligat se dictus Willelmus et omnia bona sua mobilia et inmobilia ubicumque fuerint inventa districtioni domini abbatis Cirencestrie vel ballivorum suorum qui pro tempore fuerint donec de dampnis et expensis eis plene satisfactum fuerit dictus vero Willelmus et Juliana uxor sua et heredes sui vel sui asignati dictam conventionem traditionem et dimissionem dicto Rogero et Agneti uxori sue et heredibus suis vel suis asignatis contra omnes homines et feminas per totum prefatum terminum duodecim annorum proximo sequentium et plene completorum warantizabunt defendunt et acquietabunt Pro hac autem conventione traditione et dimissione dedit predictus Rogerus xv s sterlingorum et vi d ad magnum negocium suum premanibus Et ut hec conventio traditio et dimissio per prefatum terminum rata et stabilis permaneat hiis scriptis in modum cirographi confectis fide media alternatim dictus Willelmus et Rogerus sigilla sua apposuerunt Hiis testibus Ricardo de Comton Roberto de la Chambre de Cheldeworthe Johanne de Bosco Nicholao de Hodekenasse Waltero WyY Symon WyY Roberto clerico et multis aliis