Charter Document - 05450125
| Charter Number: | 05450125 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Agneta que fui uxor Henrici le Sclatere de Eynesham in mea pura viduitate ac legia potestate dedi concessi et hac presenti carta mea confirmavi Ricardo filio Alexandri de Torindon unam acram et dimidiam terre mee arabilia jacentem in campo de Temple Covele et de Chirche Covele unde una dimidia acra iacet versus Oxon in cultura que vocatur Ophul inter terram Henrici Smereberd et terram quam Johannis Coc quondam tenuit et una dimidia acra iacet apud Adgareston inter terram Johannis Coc et terram Johannis Herm et tercia dimidia acra iacet in Storthebreth inter terram Ricardi Gile et terram Hugonis atte Chruthe habendum et tenendum predictam acram et dimidiam terre cum omnibus earum pertinentiis predicto Ricardo et heredibus suis vel suis assignatis libere et quiete bene et in pace in feodo et hereditate imperpetuum de capitalibus dominis feodi illius per servitia inde debita et consueta pro omni servitio seculare et demanda Et ego predicta Agneta et heredes mei predictam acram et dimidiam terre predicto Ricardo et heredibus suis vel suis assignatis contra omnes mortales inperpetuum warantizabimus Pro hac autem donatione concessione et huius presentis carte mee confirmatione dedit michi predictus Ricardus quandam summam argenti premanibus In cuius rei testimonium hanc presentem cartam sigilli mei munimine roboravi Hiis testibus Willelmo Frankeleyne de Temple Couele Thoma Frankeleyne de eadem Rogero molendinario de eadem Martino Stub de Chuche Couele Hugone Yurbarn de Littilemore Thoma fabro de eadem Rogero ad Crucem de eadem et multis aliis