Charter Document - 05450123
| Charter Number: | 05450123 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1219 - 1225 |
| Date type: | Assigned |
| Resource Link(s): |
|
Charter:
Notum sit omnibus presentibus et futuris quod hec conventio facta est inter fratres templi de Covele ex una parte et dominam Pheliciam de Bade abbatissam de Godestowe et sanctimoniales eiusdem loci ex altera parte scilicet quod fratres templi de Covele dimiserunt abbatisse de Godestowe et sanctimonialibus loci illius in escambium unum mesuagium terre sue de Covele quod iacet in Ye Medecrofte quod scilicet mesuagium continet in se sexdecim perticas in longitudine et sex perticas in latitudine pro una dimidia acra terre sanctimonialium de Godestowe in campo de Covele que iacet in Ye Longeforlong et una roda scilicet quarta parte unius acre que vocatur Ye Hevedhierde que iacet apud Howeie Et ut hec conventio et hoc escambium predictarum terrarum ex utraque parte firma stabilitate serventur inperpetuum predicti fratres templi de Covele consilio et assensu fratrum suorum parti huius cyrographi que remanet penes sanctimoniales de Godestowe ad maiorem securitatem habendam sigillum suum apposuerunt Hiis testibus domino Radulpho Harang Willelmo de Leuekenor Radulpho de Samford Henrico de Kersington Andrea Amaur Ricardo le Frankeleyne et multis aliis