Charter Document - 05450120
| Charter Number: | 05450120 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1278 - 1283 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes le Frankeleyn dedi concessi et hac presenti carta mea confirmavi Royse abbatisse de Godestow et eiusdem loci conventui unam croftam terre mee de feodo de Frollebury que vocatur Prevetcrofte et abuttat in longitudine versus occidentem super terram predicte abbatisse et versus orientem super terram rectoris ecclesie de Wlfrinton et in latitudine iacet inter terram dicte abbatisse ex parte australi et terram Willelmi ate Grove ex parte boriali habendam et tenendam totam predictam croftam cum omnibus pertinentiis suis predicte abbatisse et successoribus suis et predicti loci conventui libere quiete pacifice et integre iure perpetuo reddendo inde annuatim michi et heredibus meis i d in festo sancti Michaelis pro omni servitio seculari exactione et demanda Pro qua quidem donatione concessione et presentis carte confirmatione dedit michi predicta abbatissa assensu et concensu totius conventus sui de Godestowe sex acras terre in campo quod vocatur la Breche iacentes inter terram quam Thomas de Pukeforde tenet de predicta abbatissa et boscum qui vocatur la Frithe in excambium predicte crofte quod vocatur Prevetcrofte Et ego dictus Johannes le Frankeleyne et heredes mei dictam croftam cum omnibus pertinentiis suis predicte abbatisse et successoribus suis contra omnes gentes warantizabimus acquietabimus et defendemus inperpetuum Et ut hec mea concessio donatio et presentis carte confirmatio rata ac stabilis inperpetuum perseverat hanc cartam sigilli mei inpressione roboravi Hiis testibus domino Reginaldo filio Petri Willelmo de Winterhull Rogero Launceleveye Waltero de Everesleghe militibus Thoma de Meynil Nicholao Tebaud Ricardo de la Sale Willelmo de Stokes Thoma ate Chepyinge Willelmo de la Rude notario huius scripti et multis aliis