Charter Document - 05450119
Charter Number: | 05450119 |
---|---|
Cartulary Title: | The Latin Cartulary of Godstow Abbey |
Charter Language: | Latin |
Charter Origin: | Religious |
Charter Type(s): | Grant |
Date: | 1284 |
Date type: | Internal, A.D., Feast |
Resource Link(s): |
|
Charter:
Noverint universi presentes litteras inspecturi quod nos Nicholaus et Willelmus de Clere Reg fratres et heredes nostri tenemur religiosis mulieribus abbatisse et conventui de Godestowe in viii s sterlingorum annuatim eis in festo sancti Michaelis solvendis pro Johanne dicto Aylmer quondam nativo ipsarum quem nobis dederunt una cum bonis et catallis suis et terris quas de ipsis antea tenuit secundum quod in carta feofamenti nostri quam dicti abbatisse et conventus super hiis nobis fecerunt plenius continetur volentes ac pro nobis et heredibus nostris tenore presentium concedentes quod liceat dictis abbatisse et conventui dictas terras et ceteras quas habemus ad presens et sumus in posterum habituri in villa de Clere Reg intrare et tanquam proprias eas occupare et interim omnia emuloumenta ex eisdem recipere libere et sine contradictione cuiusquam et ibidem districtiones quas voluerunt facere pro redditu memorato quociens in solutione ipsius cessatum fuerit volentes etiam et concedentes pro nobis et heredibus nostris quod vicecomes Winiton qui pro tempore fuerit ad solutionem faciendam quocumque modo voluerit nos et heredes nostros inperpetuum distringat et pro qualibet districtione quam faciet levet de bonis nostris et heredum nostrorum dimidiam marcam argenti ad opus suum pro suo labore et dimidiam marcam ad opus dictarum dominarum pro suis expensis et dampnis que sustinuerunt occasione dicti redditus termino statuto non soluti In cuius rei testimonium sigillum nostrum presentibus est appensum Data apud Godestowe in crastino beati Mathie apostoli anno domini MCC octogesimo quarto Hiis testibus dominis Rogero filio Petri Willelmo de Wyntershulle Waltero de Eversl militibus Rogero de Cnolle Thoma de Maynil Ricardo de Aula Waltero le mareschal et aliis