Charter Document - 05450116
| Charter Number: | 05450116 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Roberti de Knolle assensu et consilio Alme uxoris mee et Willelmi filii mei primogeniti dedi concessi et hac presenti carta mea confirmavi deo et domui sancti Johannis baptiste de Godestow et sanctimonialibus ibidem deo servientibus pro salute anime mee et antecessorum et successorum meorum unam acram terre in campo de Clera qui apellatur Rammesholte que iacet inter terram de Wulferton et terram de Santford tendens ab austro versus boream et unum angulum terre in Strokingescrofte ex parte aquilonis pro quo solebam aliquando percipere annuatim quatuor ferros equorum de redditu et etiam unum fossatum captum levatum de terra mea et super terram meam jactatum quod dividit ex parte orientis terram de Santford et ex parte occidentis terram meam de Cnolle et se extendit ab australi parte de la Horscrofte versus boream usque in angulum de Tudenhulle tenendum illis et habendum absque aliqua contradictione hominum aut feminarum in liberam quietam puram et perpetuam elemosinam Ut autem huic donationi concessioni et presentis carte mee confirmationi fides certior in posterum debeat adhiberi presenti scripto sigillum meum apposui Hiis testibus Henrico de Wodecote Willelmo de Edmundestrop Waltero de Clere Andrea tunc capellano de Clere Johanne de Cnolle Herberto molendinario Willelmo de Stratton Henrico et Thoma de Clere clericis et aliis