Charter Document - 05450114
| Charter Number: | 05450114 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1300 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes de molendino capellanus dedi et concessi et hac presenti carta mea confirmavi deo et ecclesie beate Marie et sancti Johannis baptiste de Godestow et monialibus ibidem deo servientibus et inperpetuum servituris unam croftam meam in villa Kingesclere quam emi de Willelmo Cnolle que vocatur Denpurcuc et jacet inter terram predictarum monialium de Godestow que terra vocatur Tawyerescroft et regalem viam que ducit de villa de Kingesclere versus Sweynesmulle et extendit se ab aquilone in austrum habendam et tenendam dictam croftam cum omnibus pertinentiis suis predictis monialibus et earundem successoribus libere et quiete pacifice et integre in liberam et perpetuam elemosinam de me et heredibus meis assignatis reddendo inde annuatim capitali domino feodi unum clavum garofili ad festum sancti Michaelis michi vero et heredibus meis vel meis assignatis unam rosam ad nativitatem sancti Johannis baptiste pro omnibus servitiis scilicet sectis curiarum comitatuum hundredorum visus franci plegii et pro omnibus secularibus servitiis et demandis Et ego dictus Johannes et heredes mei sive mei assignati prefatam croftam cum omnibus ubique pertinentiis suis et libertatibus prescriptis predictis monialibus et earundem successoribus contra omnes gentes warantizabimus acquietabimus inperpetuum defendemus Et ut hec mea donatio concessio et huius carte mee confirmatio rata et stabilis et inconcussa inperpetuum permaneat hanc presentem cartam sigilli mei impressione reboravi Hiis testibus Henrico de Wodecote Henrico de Edmundesthrop Nicholao Tebaut Ricardo de Freytmantel Simone de Anvers Roberto de Aula Willelmo de Wodeward et multis aliis