Charter Document - 05450100
| Charter Number: | 05450100 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Summons |
| Date: | 1298 |
| Date type: | Internal, Feast, Regnal, Lunar |
| Resource Link(s): |
|
Charter:
Omnibus Christi fidelibus ad quos presens scriptum pervenerit Robertus Wardebek filius et heres Nicholai de Fershysdon salutem in domino Noveritis me teneri domine abbatisse de Godestow et eiusdem loci conventui ad warantizandum acquietandum et defendendum omnes terras et tenementa cum suis pertinentiis que iidem abbatissa et conventus habent seu quoquo tempore habuerunt de dono et feofato quondam Rogeri de Writele in villis de Brodebluntesdon Estthrop Heywrth et Cheleswrth ad quam warantiam eisdem faciendam obligo me et heredes meos et omnes terras et tenementa mea in cuiuscumque manus devenerint In cuius rei testimonium presentibus litteris sigillum meum apposui Data apud Godestowe die lune proxima ante festum purificationis beate virginis anno regni regis Edwardi filii regis Henrici vicesimo sexto