Charter Document - 05450099
| Charter Number: | 05450099 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1298 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Robertus Wardebek filius et heres Nicholai Wardebek de Fershysdon salutem in domino Noveritis me pro me heredibus ac assignatis meis quibuscumque remisisse et omnino quieta clamasse domine abbatisse de Godestowe et eiusdem loci conventui totum ius et clamium que habui seu aliquo modo habere potui in omnibus terris et tenementis in villis de Brodebluntesdone Estthrop Heywrth et Cheleswrth cum mansionibus edificiis gardinis columbariis molendinis libere tenentibus villanis villenagiis cum eorum sequelis et catallis coterellis redditibus operationibus auxiliis wardis releviis escaetis quibuscumque finibus terrarum redempcionibus progenitorum pratis pascuis pasturis et omnibus aliis libertatibus et liberis consuetudinibus que iidem abbatissa et conventus habent de dono et feoffamento Rogeri de Wrytele de Brodebluntesdon ita quod nec ego predictus Robertus nec heredes mei nec assignati mei nec aliquis pro nobis seu nomine nostro de iure seu facto inposterum aliquid iuris vel clamii in omnibus predictis terris et tenementis cum eorum omnibus ubique pertinentiis ut predictum est exigere seu vendicare poterimus nec clamare debemus set ab omnimodo iure et iuris clamio excludamur inperpetuum In cuius rei testimonium presentibus litteris sigillum meum apposui Hiis testibus Roberto de Lustreshull Adam Warlrand Jacobo de Grundewell Willelmo Bryan Ricardo Aylmer Jacobo le Paum et aliis Data apud Godestowe die lune proxima ante festum purificationis beate virginis anno regni regis Edwardi filii regis Henrici vicesimo sexto