Charter Document - 05450098
| Charter Number: | 05450098 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Licence |
| Date: | 1285 |
| Date type: | Internal, Calendar, Regnal |
| Resource Link(s): |
|
Charter:
Edwardus dei gratia rex Anglie dominus Hibernie et dux Aquitann omnibus ad quos presentes littere pervenerint salutem Licet de communi consilio regni nostri pro quod non liceat viris religionis aut aliis ingredi feodum alicuius ita quod ad mortuam manum deveniat sine licentia nostra et capitalis domini de quo res illa inmediate teneatur Volentes tamen dilecto nobis Rogero de Writele gratiam facere specialem dedimus ei licentiam quantum in nobis est quod ipse unum mesuagium sex virgatas terre unum molendinum et triginta solidatas redditus cum pertinentiis in Brodebluntesdon et Cheleworth dare possit et assignare dilectis nobis in Christo abbatisse et conventui de Godestowe tenendum et habendum sibi et successoribus suis imperpetuum Et eisdem abbatisse et conventui quod predicta mesuagium terram molendinum et redditum ab eodem Rogero recipere possint tenore presentium similiter licentiam concedimus specialem nolentes quod idem Rogerus seu predicti abbatisse et conventus ratione statuti predicti per nos vel heredes nostros inde occasionentur in aliquo vel graventur salvis tamen capitalibus dominis feodi illius servitiis inde debitis et consuetis In cuius rei testimonium has litteras nostras fieri fecimus patentes Teste me ipso apud Westmonaster decimo die junii anno regni nostri terciodecimo