Charter Document - 05450095
| Charter Number: | 05450095 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1302 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter dominam Aliciam de Gorgys abbatissam de Godestowe et eiusdem loci conventum ex una parte et Willelmum de Cotesford in Brakle et Johannam uxorem suam et Willemum filium suum ex altera videlicet quod predicta abbatissa et conventus predictus unanimi consensu et assensu dimiserunt ac tradiderunt predictis Willelmo Johanne uxori sue et Willelmo filio suo ad totum terminum vite eorum quandam mancionem cum quodam curtilagio adiacente in villa de Brakle cum omnibus suis pertinentiis que quidem mancio sita est inter tenementum predicti Willelmi et tenementum prioris de Eyho habendum et tenendum totam predictam mancionem cum omnibus suis pertinentiis predictis Willelmo de Cotesford Johanne uxori sue et Willelmo filio suo libere quiete bene et in pace integre et honorifice quamdiu vixerint reddendo inde annuatim predicti Willelmus Johanna et Willelmus ad totum terminum vite eorum predicte abbatisee et eiusdem loci conventui iiii s argenti ad tres anni terminos videlicet ad festum purificationis beate Marie xvi d et ad festm sancte trinitatis xvi d et ad festum sancti Michaelis proximo sequens xvi d pro omni servitio seculari exactione et demanda Et dicta abbatissa et conventus predictus totam predictam mancionem cum omnibus suis pertinentiis prefatis Willelmo Johanne et Willelmo ad terminum vite eorum contra omnes gentes warantizabunt acquietabunt et defendant Et post desessum predictorum Willelmi Johanne et Willelmi tota prefata mancio cum suis pertinentiis plenarie et integre revertatur predicte abbatisse et conventui predicto sine alique contradictione nostrorum vel alicuius ex parte nostra Et si ita contingat nos in aliquo termino statuto in parte vel in toto quod absit deficere volumus et concedimus quod predicta abbatissa et conventus predictus vel ballivi eorundem intrent tenementa nostra ad distringendum et districtionem illam retinere quousque prefate abbatisse et conventui in omnibus satisfactum fierint Pro hac autem tradissione dimissione dederunt nobis premanibus vii s argenti Et ut hec conventio traditio et dimissio warantizatio acquietantia rate et stabiles per totum supradictum tempus permaneant huic presenti scripto indentato alternatim sigilla sua apposuerunt Hiis testibus Ricardo de Borwe Henrico Terry Waltero de Witefend Ricardo Hewot Henrico Possenet Roberto de Coleworthe et aliis Data apud Godestowe die dominica proxima post festum sancti Gregorii pape anno regni regis Edwardi trecesimo