Charter Document - 05450092
| Charter Number: | 05450092 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1309 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus presentes litteras visuris vel audituris Johannes hawardyn de Brakle et Agnes filia Johannis le Mareschal uxor dicti Johannis salutem in domino sempiternam Noveritis nos remisisse et omnino pro nobis et heredibus nostris seu assignatis in liberam puram et perpetuam elemosinam inperpetuum quietum clamasse sine aliquo retenemento nobis vel heredibus nostris vel assignatis Matildi de Upton abbatisse de Godestowe et eiusdem loci conventui totum ius nostrum et clamium quod habuimus vel aliquo modo habere poterimus in toto illo tenemento cum omnibus suis ubique pertinentiis quod quidem tenementum situm est in Brakle inter tenementum Rogeri filii Ade le Goer ex una parte et tenementum eiusdem Rogeri ex altera Et quod quidem tenementum in aliquo tempore redditi remisi ego predicta Agnes dum sola fui Mabbilie Wafr tunc abbatisse de Godestowe et eiusdem loci conventui et omnino in liberam puram et perpetuam elemosinam eisdem abbatisse et conventui per scriptum meum inperpetuum quietum clamavi sine aliquo retenemento mei vel heredum meorum seu assignatorum ita quod nec nos nec heredes nostri nec assignati nostri nec aliquis nomine nostro decetero in toto predicto tenemento seu in pace cum omnibus suis ubique pertinentiis aliquid exigere clamare vel vendicare poterimus inposterii vel inperpetuum Et nos predicti Johannes hawardyn et Agnes uxor mea et heredes nostri totum illum tenementum cum omnibus suis ubique pertinentiis predictis abbatisse et conventui contra omnes gentes warantizabimus acquietabimus et defendemus inperpetuum In cuius rei testimonium hiis presentibus litteris quiete clamationis sigilla nostra apposuimus Hiis testibus Ricardo Overe de Oxon Johanne le Quilter Roberto de Welles Willelmo Mek Petro de Hanebergh Willelmo de Wigenhull Thoma Bost Johanne de Croxford tunc senescallo de Godestowe Ricardo de Burgo de Wrakkele Thoma de Luton Henrico Terry Nicholao de Burgo Alexandro de Luton Willelmo le Riche et Andrea de Stamford clerico et aliis Data apud Oxon in ecclesia beate Marie Magdalene de eadem die dominica in festo sancti Mathei apostoli anno regni regis Edwardi filii regis Edwardi tercio