Charter Document - 05450083
| Charter Number: | 05450083 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1287 |
| Date type: | Internal, Feast, Regnal |
| Resource Link(s): |
|
Charter:
Universis Christi fidelibus ad quos presentes littere pervenerint Mabilia permissione divina abbatissa de Godestowe et eiusdem loci conventus salutem in domino Noverit universitas vestra nos unanimi concensu et caritatis intuitu concessisse Radulpho dicto le Ben de Bloxham esculenta et poculenta quamdiu vixerit in domo nostra de Godestowe vel ubicumque fuerit in libero servitio nostro una cum dimidia marca argenti annuatim ad duos anni terminos de nobis percipienda videlicet ad festum annunciationis beate Marie in Marcio iii s et iiii d et ad festum Sancti Michaelis iii s et iiii d Et si contingat quod predictus Radulphus super aliquo crimine seu delicto convictus fuerit nisi legittime per viros fidedignos se purgare poterit dictam dimidiam marcam a nobis seu a successoribus nostris percipere non debet quousque de crimine seu delicto igitur imposito legittime se purgaverit nec licebit predicto Radulpho testamentum condere set quod omnia bona sua ad utilitatem domus de Godestowe remaneant Pro hac autem concessione remisit nobis predictus Radulphus et omnino quietum clamavit pro se et heredibus suis unum mesuagium in villa de Bloxham et octo acras terre arrabilis dimidiam acram prati et unam rodam dicto mesuagio pertinentem quod vel quas pater dicti Radulphi aliquando de feodo nostro tenuit ita quod predictus Radulphus nec per per se nec per aliquem nomine suo in dicto mesuagio et octo acris terre dimidia acra prati et una roda aliquid iuris vel clamei de cetero exigere peterunt seu vendicare In cuius rei testimonium presenti scripto in modum cyrographi confecto partes huic inde magistra sua alternatim apposuerunt Data apud Godestowe die mercurii proxima post festum omnium sanctorum anno regni regis Edwardi filii regis Henrici quintodecimo