Charter Document - 05450077
| Charter Number: | 05450077 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Henricus filius Edwini de Blokesham assensu et voluntate uxoris mee dedi et concessi et hac presenti carta confirmavi pro salute anime mee et uxoris mee et antecessorum meorum in puram et perpetuam elemosinam deo et ecclesie beate Marie virginis et sancti Johannis baptiste de Godestow et sanctimonialibus ibidem deo servientibus unam virgatam terre cum mesuagiis et omnibus aliis pertinentiis in villa de Blokesham illam scilicet virgatam quam pater meus Edwinus de eisdem monialibus tenuit et ego post ipsum Et totum jus quod in dicta terra habui vel habere potui sine contradictione et diminutione et retentione aliqua pro me et heredibus meis quietum clamavi Et ne huius rei series ab aliquo possit in posterum malitiose retractari ego eam presenti scripto et sigilli mei inpressione roboravi Hiis testibus domino Wydone filio Roberti domino Willelmo de Parisius Bardulfo de Cesterton Willelmo de Sancto Audoeno Rogero stabulario Willelmo de Hedindun Rogero Godard Henrico Lanitor Simone de Aula et aliis