Charter Document - 05450072
| Charter Number: | 05450072 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1175 - 1225 |
| Date type: | Assigned |
| Resource Link(s): |
|
Charter:
In causa que vertitur inter abbatissam et conventum de Godestow ex una parte et personam de Wykynton ex alia partibus per A capellanum et magistrum G personam de Weston procuratores ad agendum et componendum specialiter datos comperitibus videlicet cum abbatissa et conventus de Godestow petierunt de iure communi omnes decimas tam maiores quam minores quas dicta persona percepit in parochia de Bloxham et cum datus esset dies ad omnes exceptiones dilatorias proponendas et probandas lis sub hac forma in iudicio conquievit videlicet quod abbatissa et conventus de Godestow recipient de ceteris omnes decimas feni de terris et pratis in campo de Mildecumb sine aliquo retene mento inperpetuum Recipient etiam omnes decimas columbarum de columbariis in villa de Mildecumbia factis et faciendis Recipient etiam decimas de molendino de Mildecumbe integre sine aliquo retene mento Ecclesia autem de Wykinton recipiet de cetero decimas quas hactenus percepit et omnia que percipere consuerit Judicis autem decreverunt quod decanus de Brocton dictas abbatissam et moniales de Godestow in possessionem dictarum decimarum loco suo intra terent et hoc litteratorie ei demandaverunt