Charter Document - 05450070
| Charter Number: | 05450070 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1257 - 1285 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris vel audituris Ammaricus de Sancto Amando filius Radulphi de Sancto Amando salutem Noverit universitas vestra me divine pietatis ac caritatis intuitu et pro salute anime mee et animabus antecessorum meorum dedisse concessisse et hac presenti carta mea confirmasse pro me et heredibus meis deo et beate Marie et ecclesie sancti Johannis de Godestow et monialibus ibidem deo servientibus et imperpetuum servituris in libere et puram et perpetuam elemosinam omnes decimas provenientes de toto tenemento meo in parochia de Bloxam tam maiores quam minores tam de dominico meo et de curia mea quam de terra de me tenentium in eadem parochia scilicet omnes decimas consuetas et debitas ad quas recipiendas et habendas aliquis pro me vel per aliqem antecessorum meorum ut per patronum aliquo tempore aut aliquo modo juste poterit vel potuisset presentari habendas et tenendas in proprios usus eisdem abbatisse et monialibus predictis inperpetuum sicut aliqua elemosina quietius et liberius dari potest Et ut hec mea donatio concessio et presentis carte mee confirmatio perpetue stabilitatis robur optineat istud presens scriptum sigilli mei munimine roboravi Hiis testibus magistro Serlone tunc rectore ecclesie de Banbur domino Radulfo Ivas de Neuynton milite domino Symone filio Symonis tunc rectore ecclesie de Magna Tiwa domino Hugone de Dunnestywa milite domino Rogero rectore ecclesie de Orton domino Hugone rectore ecclesie de Bereford Galfrido de Rokeburn et aliis