Charter Document - 05450060
| Charter Number: | 05450060 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Martinus clericus filius Martini de Blechesdone dedi concessi et hac presenti carta mea confirmavi Henrico le Stynor de Hampton pro homagio et servitio suo et pro xxx s argenti quos michi dedit premanibus in gersumma quandam placiam curie mee continentem de latitudine triginta et sex pedes et de longitudine a via regia usque ad curiam Laurencii et jacet inter terram quam vendidi Johanni Pilet de Oxon et dotem Petronille matris mee tenendam et habendam eidem Henrici et heredibus suis vel quibuscumque et quandoque dare vendere legare vel assignare voluerit de me et heredibus meis libere et quiete bene et in pace in omnibus libertatibus et aliamentis ad predictam terram ubicumque pertinentibus inperpetuum reddendo inde annuatim michi et heredibus meis ii d ad festum natale sancti Johannis baptiste pro omni servitio consuetudine et omni seculari demanda salvo forinseco servitio scilicet i d quando scutagio currit Et ego Martinus et heredes mei totam prefatam placiam terre cum pertinentiis prefato Henrico et heredibus suis vel assignatis quibuscumque contra omnes gentes warantizabimus adquietabimus et defendemus inperrpetuum Et ut hec mea donatio concessio warantizatio et presentis carte mee confirmatio robur optineant firmitatis inperpetuum presens scriptum sigilli mei impressione roboravi Hiis testibus Waltero Ilberd Ada clerico filio Ade Roberto filio prepositi Galfrido le Brochere Roberto filio Stephani Odbrihto Johanne Gileberdi Willelmo juvene de Hampton et aliis