Charter Document - 05450051
| Charter Number: | 05450051 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1202 |
| Date type: | Assigned |
| Resource Link(s): |
|
Charter:
Noverint universi sancte matris ecclesie filii quod ego Robertus le Gai assensu et consensu M uxoris mee et Philippi heredis mei dedi et concessi et hac presenti carta mea confirmavi deo et ecclesie beati Johannis baptiste de Godestowe et monialibus ibidem deo servientibus unam dimidiam hidam terre in Gaithamton continentem viginti quatuor acras terre in uno campo et totidem in alio campo cum omnibus pertinentiis et libertatibus suis in pratis et pascuis in viis et semitis in exitibus et communitatibus in puram et perpetuam elemosinam liberam et quietam ab omni exactione et seculari servitio ad me vel ad heredes meos pertinente salvo servitio domini regis videlicet illam dimidiam hidam terre quam erga Reginaldum cognatum meum disrationavi Concessi etiam eisdem monialibus tres acras prati ad eandem terram pertinentes iacentes inter pratum canonicorum de Oseneia et pratum Henrici le Brocher quarum acrarum quelibet continet quatuor perticas in latitudine Preterea dedi predictis monialibus quartam acram prati ad augmentum iacentem inter pratum ecclesie et pratum Henrici le Brocher Hanc terram prenominatam et pratum prenominatum cum pertinentiis ego et heredes mei warantizabimus predictis monialibus contra omnes homines Et si contigerit quod eam warantizare non possimus dabimus eis escambium ad valentiam illius terre in omnibus in eadem villa Pro hac autem confirmatione et warantizatione dederunt michi prefate moniales xv marcas argenti de caritate domus sue et M uxori mee unum bisantum et Philippo heredi meo xii d ad emenda sibi calcaria Hiis testibus Ricardo de Turre vicecomite Oxon Roberto de Almari Waltero de Verdun Willelmo Bruges Radulpho Harenco Reinbaldo de Ecuna Johanne de Preston W capellano de Sancto Egidio Waleranno Johanne Huberto Radulpho capellanis de Godestow Roberto de Hardewyca Roberto le Pour Henrico de Berninton Thoma de Eboraco Ricardo de Kent Rogero Albo