Charter Document - 05450050
| Charter Number: | 05450050 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1163 - 1187 |
| Date type: | Assigned |
| Resource Link(s): |
|
Charter:
Sciant omnes tam futuri quam presentes quod ego Radulphus de Almari concedo et confirmo donationem patris mei Rogeri de Almari scilicet xxv acras de suo dominio singulis annis seminandas in territorio de Blechesd et preter has xxv acras duas acras ad mansuram faciendam in perpetuam elemosinam ecclesie dei et sancte Marie et sancti Johannis baptiste de Godestowe et monialibus ibidem deo famulantibus cum duabus filiabus suis que in eadem ecclesia facte sunt moniales solutas liberas ab omni seculari servitio et ab omni exactione quietas consensu uxoris mee Hadewise et filiorum meorum scilicet Rodberti Radulphi Ricardi concedente et confirmante domino Henrico de Olleio et etiam communem pasturam in eadem villa animalibus sanctimonialium cuiusque generis sint in meis pascuis ut meis animalibus concedo Et preter hoc concedo et confirmo donationem Walteri de Piri scilicet unam virgatam terre in eadem villa quam Alfwi Scern tenuit et postea Nigellus Stote et x acras terre de suo dominio cum quadam filia sua que in prefata ecclesia facta est monialis Hiis testibus Johanne presbitero de Westune Willelmo presbitero de Cherlint Roberto capellano magistro Rogero de Sagio Galfrido clerico de Blechesd Willelmo filio Rogeri Radulpho Macro Willelmo de Prestecot Giliberto Preust Huardo de Buchenelle Adam de Godest Radulpho filio Osmundi Azone carpentario Nigello Stote et ceteris quam pluribus