Charter Document - 05450042
| Charter Number: | 05450042 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1259 - 1270 |
| Date type: | Assigned |
| Resource Link(s): |
|
Charter:
Notum sit omnibus presentibus et futuris quod ego Adam Sperling de Kingeshulle concessi ac quietum clamavi pro me et pro heredibus meis abbatie et conventui de Godestowe et earum successoribus unam petiam terre cum suis pertinentiis quam Radulphus de Scaccario quondam de me habuit que se extendit in logitudine iuxta aquam in parochia de Parva Messendene ex opposito molendini habendam et tenendam dicte abbatie et conventui et earum successoribus hereditarie libere et quiete pro me et pro heredibus meis inperpetuum reddendo annuatim michi et heredibus meis iii d scilicet ad festum sancti Michaelis i d et obolum et ad festum sancte Marie in Marcio i d et obolum pro omnibus servitiis et demandis Ne igitur amodo ego nec aliquis heredum meorum aliquid juris nec clamii in predicta pecia terre exigere poterimus presens scriptum sigillo meo roboravi Hiis testibus Thoma Mancel Henrico juvene Rogero juvene Henrico de Penna Waltero de Alome et aliis