Charter Document - 05450040
| Charter Number: | 05450040 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1220 |
| Date type: | Internal, A.D., Calendar |
| Resource Link(s): |
|
Charter:
Sciant tam presentes quam futuri quod ego Henricus de Sancto Walerico dedi concessi et hac mea carta confirmavi ecclesie dei et beate Marie et sancti Johannis baptiste de Godestowe et sanctimonialibus ibidem deo servientibus et servituris imperpetuum pro salute anime mee et animarum antecessorum et heredum meorum et pro salute anime domini mei Reginaldi de Sancto Walerico et animarum antecessorum et heredum suorum in liberam puram et perpetuam elemosinam unam virgam terre apud Estallingeleg cum pertinentiis suis quam emi de prefato domino meo Reginaldo scilicet quam Alanus de la Legha tenuit et quicquid in eadem virgata habui vel habere potui habendam et tenendam nominatis sanctimonialibus de me et heredibus meis in omnibus locis et in omnibus rebus cum omnibus libertatibus et liberis consuetudinibus integre libere et quiete ab omni redditu consuetudine servitio et exactione salvo servitio quod debetur de eadem virgata terre prefato domino meo Reginaldo Ego autem et heredes mei predictam elemosinam predictis sanctimonialibus warantizabimus contra omnes homines et feminas Quod ut ratum permaneat presens scriptum sigillo meo confirmavi Hiis testibus Hugone de Breusia avunculo meo Helya thesaurario de Hereford fratre Willelmo et fratre Johanne monachis Loci Dei Roberto capellano de Henton domino Radulpho Harang Golcelino de Baillolio et Willelmo de Morton militibus Henrico tunc senescallo de Godestow Otewi de Estalles et multis aliis Actum anno gratie MCCXX primo mense Aprilis