Charter Document - 05450033
| Charter Number: | 05450033 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1225 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Paganus de Caurcis salutem Noverit universitas vestra me concessisse et dedisse et presenti carta mea confirmasse quoddam pratum quod vocatur Insula que iacet inter Tamisiam et pratum domini Walteri de Chaldefeld deo et ecclesie de Godestow et monialibus ibidem deo servientibus in puram et perpetuam elemosinam pro me et heredibus meis et animabus antecessorum meorum tenendam de me et heredibus meis in perpetuum libere et quiete et honorifice ab omni servitio et ab omnibus querelis Et quia volo ut istud donum ratum sit et stabile permaneat hanc cartam sigilli mei impressione corroboravi Hiis testibus Johanne de Pilem Willelmo Luvel Willelmo de Berri Waltero servienti de Kynemsford Guidone de Porta Waltero clerico Rogero preposito Johanne piscatore et multis aliis