Charter Document - 05450030
| Charter Number: | 05450030 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1151 - 1199 |
| Date type: | Assigned |
| Resource Link(s): |
|
Charter:
Notum sit omnibus tam presentibus quam futuris quod ego Robertus de Everci concessu heredum meorum Roberti et Thome dedi et concessi deo et ecclesie sancte Marie et sancti Johannis baptiste de Godestowe et monialibus ibidum deo servientibus in puram et perpetuam elemosinam pratum quod vocatur Insula quod pratum Robertus de Meisi advunculus meus michi pro servitio meo dedit Hoc pratum dedi prefatis monialibus pro salute anime mee et antecessorum meorum et heredum meorum cum filia mea Agatha que in eadem ecclesia facta est monialis in perpetuum possidendum libere et quiete ab omni exactione vel servitio seculari unam libram piperis annuatim reddendo michi et heredibus meis infra xv dies post festum Sancti Michaelis Hiis testibus Rogero de Meisi Radulpho Blouet Thoma et Walerano Odone capellanis Rembaldo de Ecture Olivero Haket Thoma senscallo Luce janitore Willelmo Baghurst Roberto Flamag et multis aliis