Charter Document - 05450028

Universis Christi fidelibus ad quos presens scriptum pervenerit Willemus dei gratia Lincoln episcopus salutem eternam in domino Justis postulancium desideriis adesse pio favore volentes precipue domibus religiosis nostri patrocinii presidium tenemur impertiri ne ea que fidelium largitione ad loca sancta et religiosa collata fuerint beneficia aliquorum prava malignitate possint nimium seu turbari aut per temporum vetustatem sepeliri Ad universitatis igitur vestre noticiam volumus devenire nos rata habere et presenti carta confirmare religiose domui sancte Marie et sancti Johannis baptiste de Godestow et famulabus Christi ibidem deo servientibus ad earum perpetuis usibus pro futura beneficia fidelium Christi largitate concessa que propriis nominibus duximus explicanda videlicet ex dono bone memoria Alexandri Lincoln episcopi C s annuos in teloneo mercati de Bannebir percipiendos ex dono regis H filii Matildis imperatricis ecclesias de Wicumb et de Blokesham cum omnibus pertinentiis suis ex dono Ailwini filii Godegos ecclesiam Sancti Egidii cum omnibus pertinentiis suis que sita est extra Oxonf ex dono Agnetis filie Pagani filii Johannis ecclesiam de Dunington cum omnibus pertinentiis suis ex dono Simonis de Wahill medietatem ecclesie de Pateshill cum omnibus pertinentiis suis Prefata igitur beneficia sicut eisdem monialibus rationabiliter sunt collata in proprio usus plenarie convertenda et propriis earum capellanis deservienda rata habemus et episcopali auctoritate confirmamus Concedimus etiam predictis ancillis Christi ut sint libere et quiete ab omni exactione consuetudine atque gravamine salvo episcopali iure et Lincoln ecclesie dignitate Quare ut ratum habeatur et firmum presenti scripto et sigillo duximus confirmandum Testibus R archidiacono Norhamtun magistris Alexandro de Elnestow Gilberto de Malbtorp Thoma de Fiskt Lincoln ecclesie canonicis magistris Willelmo filio Fulconis Adam de Sancto Edmundo Willelmo de Stavenb et multis aliis