Charter Document - 05450020
| Charter Number: | 05450020 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1215 - 1235 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Robertus Calamunt de Witham salutem in domino Noverit universitas vestra me divine pietatis intuitu et salute anime mee et patris mei et matris mee et omnium antecessorum et successorum meorum dedisse et concessisse et hac presenti carta confirmasse deo et beate Marie et sancto Johanni baptiste et domine abbatisse et toti conventui de Godestow liberam et gratam licentiam ad faciendum aqueductum ad curiam suam de Godestow tam per terram meam arabilem quam per pratum meum quamdiu duraverint sub tali cum pretextu ut michi per cuius terras aque ductum facient vel futuris temporis cum necesse fuerit aliquando fracturam in eadem reficient per visum legalium hominum eiusdem visneti satisfaciant ita quod sine dampno remaneant Et ne predictis conventus de Godestowe super predicto aqueductu aliquam a successoribus meis in posterum paciantur molestiam donationem et concessionem meam prenominatam presens scriptum cum sigilli mei appositione corroboravi Hiis testibus domino Simone rectore ecclesie de Hinton domino Absalon Bernardo Ricardo Johanne capellanis de Godestowe domino Willelmo de Seuecord domino Roberto de Witham milite Rogero filio et herede Henrico senescallo de Godestowe Reginaldo janitore et multis aliis