Charter Document - 05450011
| Charter Number: | 05450011 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1191 - 1219 |
| Date type: | Assigned |
| Resource Link(s): |
|
Charter:
Noverint presentes et futuri quod ego Thomas de Sancto Walerico intuitu pietatis et caritatis et pro salute anime mee et Edele uxoris mee et Bernardi patris mei et Anore matris mee et omnium antecessorum meorum concessi et presenti carta mea confirmavi donum illud quod Bernardus bone memorie vir patris meus fecit nobili Henrico anglorum regi filio Matillidis illustris imperatricis de Wlgaricot libere et pacifice quiete et honorifice tenendum cum omnibus pertinentiis suis in perpetuum sicut carta prefati Bernardi patris mei super hoc ipso dono testatur Concessi etiam et presenti scripto confirmavi deo et ecclesia beati Johannis baptiste de Godestowe et sanctimonialibus ibidem deo servientibus hoc ipsum donum quod prenominatus Henricus rex filius Matillidis illustris imperatricis fecit pretaxatis sanctimonialibus de prenominata villa de Wlgaricot tenendum et in pace possidenda cum universis pertinentiis suis in perpetuum sicut carta sepedicti domini Henrici regis Angl testatur Et ut hec mea concessio et confirmatio firmiter conservetur presentem cartam sigillo meo confirmare dignum duxi Hiis testibus Radulpho Hareng senescallo meo Walone de Camberoy Bernardo Mulect juveni Willelmo de Westberi militibus Engramo capellano Willelmo de Pichecot Willelmo clerico persona de Ambresdon