Charter Document - 05450007
| Charter Number: | 05450007 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1139 |
| Date type: | Assigned |
| Resource Link(s): |
|
Charter:
Stephanus rex Anglorum archiepiscopis episcopis comitibus baronibus et justiciis et vicecomitibus et ministris suis et omnibus fidelibus suis francis et anglis totius Anglie salutem Concedo deo et sancte Marie et sancto Johanni baptiste et sanctimonialibus de Godestow subscriptas terras et omnes teneduras in omnibus rebus bene et quiete et libere in perpetuam elemosinam possidendas sicut ego et alii domini eas concessimus et dedimus ad tenendum quiete et libere de placitis et occasionibus et querelis et omnibus rebus die qua dedicata fuit ecclesia de Godestow scilicet de meo proprio dominio c solidatas in vico qui dicitur Waltona Et de dono regine uxoris mee x marcatas Et de dono Eustachii filii mei c solidatos in denariis donec terra habeat Et de dono Theobaldi archiepiscopi Cant c solidatas Et de dono Alexander episcopi Linc c solidatas Et de dono episcopi Roberti Exoniens xl solidatos in duabus ecclesiis Et de dono Johannis de Sancto Johanne i molendinum de iiii libris et mansuras duorum hominum cum appendiciis et particulam terre ante portam ecclesie insula que interjacet duabus aquis et dimidium prati quod dicitur Lambeia Et de dono Roberti de Oilli alteram medietatem eiusdem prati scilicet Lambeie et i modium frumenti quoque anno Et de dono abbatis de Westmonasterio lx solidatas Et totidem de dono abbatis Abendonie Et de dono Milonis Gloec xx solidatos Et de dono civium Oxineford terram in Portmaneit quam tenuit Sagrinus Et de dono Radulfi cancellarii regine unam marcam argenti donec terram habeat Item concedo eis in Oxineford ix solidatos de dono Hugonis de Tiwa et iii solidatos de dono Sevari et apud Lund in Estcheap xj solidatos Et in Blecenduna i virgatam terre de dono Rogeri de Almari Et in Sciptona v solidatos de dono Radulfi filii Rogeri Hec omnia concedo et confirmo eis perpetuo possidenda in pace et quiete et libere ab omnibus secularibus consuetudinibus ita ut hanc curiam suam tenendam cum soc et sake et toll et team et infangentheof honorifice et libere sicut aliqua ecclesia in Anglia melius et liberius et quietius tenet in omnibus rebus hoc idem concedentibus et confirmantibus Theobaldo archiepiscopo Cant ceterisque quam aderant scilicet Alexandro Lincoln Algaro Conctant Roberto Exon Rogero Salesb Roberto Bat Simone Wigorn perpetuo religantes anathemati huius donationis adversarios Albericus etiam Hostiensis episcopis et apostolice sedis legatus hoc idem confirmavit apostolica auctoritate et sua relaxans de penitentiis annum unum omnibus benefactoribus eiusdum cenobii et omnibus qui singulis annis die Sancte Marie virginis vel in natale sancti Johannis baptiste predictum locum visitaverunt xl dies