Charter Document - 05430118
| Charter Number: | 05430118 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1317 |
| Date type: | Internal, A.D., Feast |
| Resource Link(s): |
|
Charter:
Robertus comes Boloignie et Aluernie omnibus hominibus et ministris nostris de Wyssando Boloignia Niwene et Caleys tam presentibus quam futuris salutem in domino Noueritis quod nos pro honore Dei et beati Thome archiepiscopi Cant et gloriosi martiris et pro salute anime nostre et parentum et heredum nostrorum volumus et confirmamus omnes libertates illas quas antecessores nostri dederunt et concesserunt monachis et conuentui ecclesie Cristi Cant scilicet theloneum et consuetudines que exigi solent in Wissando Boloignia Niwene et Caleys a transeuntibus Volumus ergo et precipimus ut ipsi et nuncii et seruientes eorum liberi sint et quieti a nobis et heredibus nostris imperpetuum in dictis locis a theloneo pedagio et consuetudinibus supradictis et prohibemus ne aliquis hominum vel ministrorum nostrorum eos pro hac re vexare presumat In cuius rei testimonium sigillum nostrum presentibus litteris duximus apponend[um] Dat anno domini mccc septimodecimo die Iouis in festo Natiuitat[is] beate Marie virginis