Charter Document - 05430117
| Charter Number: | 05430117 |
|---|---|
| Cartulary Title: | Norman Charters From English Sources [Normandy] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1314 |
| Date type: | Internal, A.D., Feast |
| Resource Link(s): |
|
Charter:
Robertus comes Bolognie et Aluernie omnibus hominibus et ministris nostris de Wissando Bolognia Niwene et Caleis tam presentibus [quam futuris] salutem in domino Noueritis quod nos pro honore Dei et beati Thome archiepiscopi Cantuarie et gloriosi martiris et pro salute [anime] nostre et parentum et her[edum nostrorum] volumus et confirmamus omnes libertates illas quas antecessores nostri dederunt [et con]cesserunt monachis et [conuentui ecclesie] Cristi Cantuarie scilicet theloneum et consuetudines que exig[i solent] in Wissando Bolognia Niwene et Caleis a transeuntibus Volumus ergo et precipimus ut ipsi et nuncii et seruientes eorum liberi sint et quieti a nobis et heredibus nostris in perpetuum in dictis locis a theloneo pedagio et consuetudinibus supradictis et prohibemus ne aliquis hominum vel ministrorum nostrorum eos pro hac re vexare presumat In cuius rei testimonium sigillum nostrum presentibus litteris duximus apponendum Datum anno domini millesimo trecentesimo quatuordecimo die veneris in festo beati Nicholay hyemal[is]